唸四句《講台灣》
◎作者：Limkianhui 台灣自古中國的 唐山牽牛過去犁 生番熟番照買賣 紅毛不時來交陪 清尾戰敗割日本 唐儂番仔攏無分 學做奴才學日文 漢例番例總除根（kun） 二戰煞尾唐山反 國軍拍輸閃台灣 本省外省又佫冤 二二八是一大亂 蔣家兩代掌大權 美齡激氣走過番 經國有志（iú-chì）儂馬全 美國日本鬥支援（chi-oān） 九O（khòng）年頭阿輝來 九O年尾soah倒台 連戰宋盼真無才 阿蓮阿扁鬥一kâiⁿ 陳呂八年徛無在 做儂做事無照來 到尾收監廊仔內 即聲看勢悽慘代 馬哥（Má- -ko）本是外省儂 父母生伊佇香港 台大出業過番邦 才情拍算規斗籠 經國後期伊入行 李爺嘛有共伊牽 O八五月著變天（piàn-thiⁿ） 扁仔落台踢一邊 到當（taⁿ）上任卜兩年 馬哥捍家（hoāⁿ-ke）儂嫌疑 民調有落soah無起 拍算佫做無幾時
安安chhē母/AN-AN CHHĒ BÚ
——古早漳泉在地歌 記得我母疼囝時，今日無tè去chhē伊。Kì-tit góa bú thiàⁿ kiáⁿ sî, kiaⁿ-ji̍t bô-tè khì chhē i. 毋知我母tó-lo̍h去，放我安安苦傷悲。M̄-tsai góa bú tó-lo̍h khì, pàng góa An-an khó·-siong-pi. 雞仔離母會啼吼，安安chhē母目屎流。Koe-á lī bú ē thî-háu, An-an chhē bú ba̍k-sái lâu. 看見雞仔吱吱吼，chhē無我母掛心頭。Khoàⁿ-kìⁿ koe-á ki-ki-háu, chhē bô góa bú kòa-sim-thâu. 雞母啄米放跤兜，為囝毋甘吞落喉。Koe-bú tok bí pàng kha-tau, ūi kiáⁿ m̄-kam thun-lo̍h âu. 鶆鶚野貓若來到，雞母展翼共囝包。Lāi-hio̍h iá-bâ nā lâi-kàu, koe-bú thián [...]
益春留傘 / IAH-CHHUN LÂU SOÀⁿ
——古早漳泉在地歌 陳三受氣無做聲，雨傘攑起著卜行。Tân Saⁿ siū-khì bô tsòe-siaⁿ, hō·-soàⁿ kia̍h-khí to̍h beh kiâⁿ. 包袱背起在身上，毋甘毋願轉泉城。Pau-ho̍k phāiⁿ-khí tsāi sin- -siōng, m̄-kam m̄-goān tńg Tsoân-siâⁿ. 五娘看見亂紛紛，心想無計叫益春。Gō·-niû khoàⁿ- -kìⁿ loān-hun-hun, sim siūⁿ bô kè kiò Iah-chhun. 我爹毋甘互伊去，益春汝著去留君。Góa tia m̄-kam hō· i khì, Iah-chhun lí to̍h khì lâu kun.
雪梅思君（古早歌仔）
《雪梅思君》/ SOAT-MÛI SU KUN ——古早漳泉在地歌 唱出即歌分恁聽，雪梅做儂真端正。 甘心為君守貞節，儂流傳，好名聲。 勸恁後生注意聽，著學雪梅這所行； 毋通學儂做歹囝，無翁婿生囝歹名聲。 Chhiùⁿ chhut chit koa pun lín thiaⁿ, Soat-mûi tsòe-lâng chin toaⁿ-chiàⁿ. Kam-sim ūi kun siú cheng-chiat, lâng liû-thoân, hó miâ-siaⁿ. Khǹg lín hāu-siⁿ tsù-ì thiaⁿ, tio̍h o̍h Soat-mûi che só·-kiâⁿ, m̄-thang o̍h lâng tsòe pháiⁿ-kiáⁿ, bô ang-sài siⁿ-kiáⁿ pháiⁿ miâ-siaⁿ.
《陳三磨鏡》
【故事背景】：這是一出梨園 戲的故事，佇南樂(南管)唱詞、九角戲、潮劇、佮歌仔戲(薌劇)內底，嘛捷捷看會著、聽會著。故事講，福建泉州少年才子——陳三，生做緣投，儂才情。因送 哥嫂去廣南城上任，路途經過廣東潮州府。迄時拄好是上元節，潮州城真正鬧熱，四界搭燈棚，各鄉裡的才子佳人嘛攏選擇佇即一工出門游賞。泉州阿舍陳三哥，定 著bōe踉過即款的好機會。佇咧游賞燈景的中間，陳三看見一个生水又佫文理的諸娘囡仔，心頭有愛慕，一下探聽，chiah知講對方是潮州在地好額儂兜的千 金小姐，姓黃，名號做五娘。此去，陳三哥暝日攏咧思念心中的五娘。後來，陳三自廣南起程beh倒轉泉州，又佫經過潮州府，迄時已經是熱儂的六月。因為數念 (siàu-liām)五娘,陳三挑工騎馬按五娘滯的繡樓下骹經過。五娘佇繡樓頂懸有看著，就矴落(tàn-lo̍h)手巾仔佮荔枝，beh互陳三做定 情禮。過後，陳三更加思念五娘，伊假意化裝做磨鏡師傅，又佫來到黃府，摻五娘相見面。為卜著得著五娘的愛情，陳三chhē藉口，挑工挵破五娘的寶鏡，就自安呢賣身佇黃府，做奴三冬久， 趁機親近意中人。
《陳三五娘——五娘tàn荔枝》
《GŌ·-NIÛ TÀN NĀI-CHI》 【〔1〕《五娘矴荔枝》 〔2〕《五娘送寒衣》 〔3〕《五娘跳古井》 〔4〕《益春告御狀》】 Gō·-niû tàn nāi-chi, ū-chêng ké bô-ì, Koan Im chia̍h kiâm-hî, iau-kúi ké sòe-jī. 五娘矴荔枝 有情假無意 觀音食鹹魚 枵鬼假細膩 chhiùⁿ chhut Káu-lông hó miâ-siaⁿ, ka-châi sò·-bān lâng thôan miâ 唱出九郎好名聲 家財數萬人傳名 pēng bô lâm-chú chāi sin-piⁿ, siⁿ ū nn̄g-kiáⁿ sī lú-jî 並無男子在身邊 生有兩囝是女兒 tōa-kiáⁿ Gō·-niû siù oan-iuⁿ, jī-kiáⁿ miâ kiò N̂g La̍k-niû 大囝五娘繡鴛鴦 二囝名做黃六娘 chō khí [...]
祝福三八婦女節[四句聯仔]
佇網路頂看著一節祝福三八婦女節的祝詞，用傳統的四句聯仔，唸七字仔。本成 原文 寫了 略仔 帶 阿北仔氣，某儂仔 拍算 安呢 唸著 略仔 礙瘧（gāi-gio̍h），tsoâⁿ 動手 小可 共伊 chhiâu一下。逐个做伙來“聽”看māi咧： Hū-lú kè-tsoeh lâng-lâng khèng, 婦女過節儂儂慶， sì-kù seh-chhut tiōng-iàu-sèng. 四句說出重要性。 Jû-kim hū-lú siū tiōng-ēng, 如今婦女受重用， tsa-bó· kāng-khoán ài tsun-kèng. 諸姥（查某）共款愛尊敬。 Bô-lūn chiàn-tiûⁿ pí to-chhèng, 無論戰場比刀銃， iah-sī chí-hui hā bēng-lēng. 或是指揮下命令。 Lâm-lú pêng-téng lâi ha̍p-pèng, 男女平等來合併， kok kiông bîn hù kang-san tēng. [...]
-
寶惜環境 寶惜地球 咱做夥來…
在線閩南語字辭典現查
版權
：歡迎加入《有緣來做夥》QQ陣（陣號：81229762）
