新冊《普通话闽南方言常用词典》上市
《普通话闽南方言常用词典》，作者林寶卿，2007年10月，廈門大學出版社出版（第一版）。 【內容簡介】 《普通話閩南方言常用詞典》是一phō普通話佮閩南話相對照的語文詞典，內底收錄的單字條目主要是根據中國國家語委佇1988年公佈的《現代常用字表》所列的hiah-ê 3500字，這掠外，又koh增加一寡閩南話特有的字詞；多字條目以1994年中國國家對外漢語教學領導小組辦公室漢語水準考試編制的《漢語水準辭彙與漢字等級大綱》所列的 8454條語詞為主，適當koh增加一寡新語詞，另外又koh加收錄一寡閩南語特有的語詞。編寫即本詞典上主要是參考1982年10月廈門大學中國語言文學研究所漢語方言研究室主編、福建人民出版社出版的《普通話閩南方言詞典》（黃典誠、周長楫、林寶卿等）佮1999年4月廈門大學出版社出版的《閩南方言與古漢語同源詞典》（林寶卿），從中選摘日常生活當中一寡較捷咧用的、閩（語）普（語）對照較準確的條目，在佇釋義解說、用字佮排列頂頭嘛有適當的修改，又koh補充著泉州佮漳州的讀音或者別種無共款的腔口。《常用詞典》選收單字條目五千外條，多字條目一萬六千外條。 【作者簡介】 林寶卿（Lîm Pó-kheng），廈門儂，1939年6月出世。長期咧做音韻、方言、漢語佮中國文化等學科的教學、科研的khang-khòe。是中國語言學會、中國音韻學會、中國方言學會的會員。退休進前是廈門大學中文系副教授；退休了後是廈大閩南語學會兼職教授、教學顧問，廈大海外教育學院兼職教授，廈大嘉庚學院兼職教授，漳州師院閩台文化研究所特聘研究員。主要專著佮教材有《普通話教程》、《閩南人學習普通話手冊》、《永安方言》（佮儂合寫）、《閩南話教程》、《閩南話口語》、《閩南方言與古漢語同源詞典》、《漢語與中國文化》等。參加編寫《普通話閩南方言詞典》、《福建省志•方言志》hām佮一寡縣（市、區）的方言志。伊佇《中國語文》、《方言》、《古漢語研究》、《廈大學報》等刊物頂頭有發表過學術論文60外篇，佇海內外的報刊、雜誌頂面發表過200外篇佮漢語言知識、方言、文化等等有關係的短文。 【購買消息】 即本詞典，現子時佇中國各大網店攏有tè買。網頂買，價數（kè-siàu）有比市場價（市場價：70元人民幣）ke khah俗淡薄。列位朋友，若是有beh買，我報咱逐个去“淘寶網Taobao.com”買（淘寶網內底網店較濟，價數有通比，嘛較安全），網址是http://www.taobao.com/
《闽南话漳州腔词典》明年底出版
《厦门日报》（2005-07-04）的消息—— 根據中新社的报道，由台盟福建省委、福建省政府台辦、漳州市政協協助中國出版科學研究所卜來編寫的《闽南话漳州腔词典》（下底簡稱"《词典》"），目前已經被列入2005年度中國國家出版總署的一項重點科研課題。現子時，《词典》已經開始編寫，按算卜佇2006年的年底，由國家出版社正式來出版。 《閩南話漳州腔詞典》的主要編寫人、廈門大學的周長楫教授介紹講，閩南語是古代中原語言的“活化石”。目前，整個閩南語系（筆者添注：包括漳泉語、潮州 話、浙南閩語、閩西龍巖話、海南話等等）的總人口超過八千萬儂，其中包括中國大陸、香港、澳門佮台灣在内，拢總有五千外萬儂；這以外，佇東南亞佮其它番邦 所在，嘛佔三千外萬儂。 根據資料的記載，現子時台灣的漢族，量基約仔有三分二的儂，祖家佇福建閩南所在，iah从中漳州府的著佔一半較加（筆者添注：偆另一半算泉州府的）。周长楫教授長期咧調查佮研究台灣閩南語，伊講，即陣台灣咧講的閩南語，大多數的語詞语句，根頭是漳州腔。 另外，根據瞭解，目前組織方已經聘請著一寡長期來咧研究漳州話的學者，請亻因做伙來編寫即本《词典》，預計全册總字數大概會當逹到二百五十萬字。這以外，全 册佫卜采用現代的音像技術，制作录音材料通好來配套出版。录音的取材，主要分做两大類，頭一款是中華古經古典的吟誦，比論講有《詩經》、《離騷》、《唐詩 三百首》等等；佫另一款是收录一寡漳州在地的唸唱藝術，比論講"歌仔"（華語：錦歌）啦、“tak喙鼓”啦，等等chiah-ê較有鄉土味的唸唱。收录即 寡音像資料，目的是卜添補一寡用文字較歹表達、較歹記录的部分。時到，一寡原本分散佇民間、kài toaⁿ-tiah、kài 雅氣，毋佫已經強強卜失傳去的在地語詞語音，攏會收录踮《詞典》内底。會使講，這本身嘛是一種挽救佮保护。 即本《漳州腔詞典》編寫了後，只卜佫完成“泉州腔”佮“潮汕腔”即两部分，著 thèng好 合做(kap-chòe) 一抱《闽南语大词典》。 补记：《闽南话漳腔词典》已经出版，有beh买的朋友，会当去市场实体册店买，嘛会当伫网路册店买（比论讲：当当网，淘宝网……）。
-
寶惜環境 寶惜地球 咱做夥來…
在線閩南語字辭典現查
版權
：歡迎加入《有緣來做夥》QQ陣（陣號：81229762）
