26个羅馬字母的閩南語讀音（二）
昨昏寫的hit篇《26个羅馬字母的閩南語讀音（一）》，登出來了後，尾仔家己oân-á有koh巡一遍。我承認，進前我是照著早前中國的“羅馬字漢語讀音”即个模，安呢落去chhiau出來的。我咧想，有的無學過“羅馬字漢語讀音”的儂，若聽我安呢佇咧唸，hoān勢會礙謔（gāi-gio̍h）。 我咧想，無的確，咱猶koh會當換另外一款佮進前攏無共的念法來讀即26个字母，比論講，咱會當換hit-lō較倚“英語音”的氣口。像安呢—— 字母 英語讀音 閩南語讀音 字母 英語讀音 閩南語讀音 A a [ei] /e/ N n [en] /en/ B b [bi:] /bi/ O o [əu] /ɔ/ C c [si:] /si/ P p [pi:] /phi/ D d [di:] /ti/ Q q [kju:] /khiu/ E e [i:] /i/ R r [a:] /a/ F f [ef] /e hu/ S s [...]
26个羅馬字母的閩南語讀音（一）
往早讀小學，會記得阮語文先生有教阮念a、b、c、d……二十六个字母。逐个穩當會感覺怪奇：嗯，ah這有啥 物通好講的？二十六个英文字母嘛，是tó一个教冊先生無教學生仔念咧？列位，講起來嘛毋驚汝知啦，阮讀小學hit陣，學堂koh chiâⁿ-si̍t有影無咧教英語neh。阮hit沿的囡仔，小學kan-ta讀“語文”、“祘術”即兩科主科的niâ，無上英語課，英語著愛到kah 讀初中的時陣chiah有咧教。 朋友聽我安呢講kah花kô-kô，hoān勢嘛聽kah 霧sahⁿ-sahⁿ囉——聽我安呢liâm-mi講小學無教英語，liâm-mi koh講語文先生有教念a、b、c、d……安呢，敢毋是足矛盾的？朋友啊，我是講先生有教“a、b、c、d…”二十六个字母，不而過我無講先生是教咱英文 讀法抑是德文讀法，敢毋是？ 哈哈，我共恁講，阮小學先生教阮的，真正毋是英語的讀法，嘛毋是德語的讀法，伊是教阮“漢語”的讀法 （事實是北方的讀法），聽講較早老一輩的，攏是學即款讀法。我kan-ta會記得當時kán-ná是tòe先生佇咧念/a/、/pe/、/tshe/、 /te/、/e/、/ef/、/ge/…… 坦白講，當時阮逐个囡仔聽先生咧唸，攏感覺真愛笑，先生佇講台頂講kah大粒汗細粒汗，阮soah佇 台跤笑kah嘩嘩叫，攏無注心學。即陣翻頭斟酌koh去想，有影真趣味。講實的，當時教學仔先生念的，即陣我是無才調記kah全。是講，凡在（hoân- tsāi）這嘛毋是我今仔日beh講的主題，所以暫時先共伊放一邊。我今仔日beh講的主題，著是咱嘛會當用閩南語來念二十六个羅馬字母。按怎念，我會數 个仔（siàu-ê-á）寫佇下底的表單内，用國際音標來注音。 字母 英文读音 汉语读音 閩南語讀音 字母 英文读音 汉语读音 閩南語讀音 A a [ei] a /a/ N n [en] nê /in/ B b [bi:] bê /pe/ O o [əu] o /o/ C c [si:] cê /tshe/ P p [pi:] pê /phe/ D d [...]
-
寶惜環境 寶惜地球 咱做夥來…
在線閩南語字辭典現查
版權
：歡迎加入《有緣來做夥》QQ陣（陣號：81229762）
